«Таза Қазақстан» республикалық экологиялық акциясы

Ел Президенті Қасым-Жомарт Тоқаевтың тапсырмасымен өтіп жатқан «Таза Қазақстан» республикалық экологиялық акциясына Мақтаарал ауданы білім бөліміне қарасты Қажымұқан атындағы жалпы білім беретін мектеп  коммуналдық мемлекеттік мекемесі ұжымы белсене қатысуда. 

 Бүгін мектеп ұжымы мектептің айналасын,жол бойын жабайы шөптер мен күл-қоқыстан тазартты. Әрине, туған жеріміздің, қоршаған ортамыздың таза болып, жасыл желекке айналуы – ең алдымен халықтың игілігі. Ауылымыздың әрбір тұрғыны өз ауласынан бастап тазалық жұмыстарын жүргізсе, көшелердің, елдімекендердің тұрғындары бірігіп көшет егу жұмыстарын жасаса, әрбір азамат табиғатқа қамқорлықпен қараса бұдан да көркейіп, ажарлана түсетіні анық.